Bartamaha (Muqdisho):- Howlgal la yaab leh oo maanta ka bilowday magaalada Muqdisho ayaa lagu ciqaabay dhalinyaro iska xiirtay Garka iyo Odayaal shaarbaha daystay.
Ciidanka Xizbul Islaam ayaa maanta Howlgal ka dhan ah dhalinyarada iska xiirta Garka ka samaysay gudaha Magaalada Muqdisho iyadoo la qabqabtay boqolaal dhalinyara ah oo la ganaaxay iyo qaar ka mida oo la ciqaabay.
Xilli maanta Bisha Barakaysan Ee Ramadaan ay dadka oo dhan ay u hogaansameen amarka Alle islamarkaana ay wada soonaayeen ayaa Howlgal dad badan ay la yaabeen waxa uu ka bilowday gudaha Muqdisho.
Howlgalka maanta ayaa lagu qabqabtay dhalinyara badan oo lagu haystay Jabinta amar ay Xizbiga soo saareen kaasi oo salka ku hayay daysmada Garka iyo Xiirida Shaarbaha taasi oo saamayn badan abuurtay.
Boqolaal dhalinyara ah ayaa maanta lagala dagay gaadiidka xilli loo haystay Xiirida Garka iyo daysmada Shaaribka oo si gaar ah loogu haystay dhalinyarada iyo Odayaasha ku dhaqan Magaalada Muqdisho.
Dhalinyarada la qabqabtay ayaa midka ugu yar lagu ganaaxay lacag u dhiganta 10-$ taasi oo ahayd markii ugu horaysay oo Kooxda Xizbul Islaam ay Howlgal nuucasi ah ka fulisay gudaha Muqdisho.
Odayaal badan iyo dhalinyaro ayaa lagu arkayay Isgoyska How-Wadaag halkaasi noo la fariisiyay iyadoo inta badan la eegayay Garka iyo Shaaribka oo horay loo amray in ay dhalinyarada iyo dhammaan Ragga ay daystaan Garka Shaarbahana xiiraan.
Xafiiska www.Bartamaha.Com Ee Geeska Afrika.
