Xayaysiin looga soo horjeedo dhismaha masjid cusub oo la rabo in laga dhiso meel u dhow Ground Zero ayaa ah mid si xun u sawiraysa muslimiinta aduunka. Ground Zero ayaa ah halka ay diyaaradihii 9/11 dhulka la simeen labadii dhisme ee mataanaha ahaa, waxaana la doonayay in laga dhiso meel u dhow dhisme Masjid, dhanka Park Place, waqooyiga Wall Street ee magaalada NewYork.
Xayaysiintan ayaa laga diiday in laga sii daayo TV-yada NBC iyo CBS oo ka mid ah4ta TV ee ugu weyn Maraykanka sababo ay ku tilmaameen in Xayaysiintani ay abuurayso nacayb ayna qolo gooni ah u tusayso dadka kale inay dhamaantood xumaan wadayaal yihiin.
Waxaa sameeyay xayaysiintan ururka lagu magacaabo National Republican Trust PAC, waxaana dhaleeceeyay kana hadlay ururada xuquuqda dadka u dooda kuwa ugu waaweyn iyo weliba ururka Dimuqraadiga Maraykanka.
Daawo: [ via DAILYGA.COM ]
