Bartamaha(Muqdisho):-Waxaa maanta gabi ahaanba dagan xaalada goobihii xalay Madaafiicda iyo dagaalada ay ka dheceen Ee Degmooyinka Wardhiigley,Howlwadaag iyo Hodon Ee Muqdisho halkaasi oo xalay ay dhibaata ka dhalatay madaafiic lagu garaacay deegaanadaasi.
Madaafiicdii xalay lagu garaacay Xaafadaha Degmooyinkaasi iyo Afaafka hore ee Suuqa Bakaaraha ayaa waxaa ka dhashay qasaarooyin kala duwan kuwaasi oo saaka dhaawacyada qaarkood ay u suurta gashay in la geeyo isbitaalada.
Xaalada ayaa maanta ah mid xasiloon iyadoo aanay jirin wax dhibaata ah oo ka taagan goobahaasi colaadaha ay saameeyeen iyo madaafiicda xalay deegaanada nabdoonaa lagu garaacay .
Dhaq-dhaqaaqyo Ciidan ayaa laga dareemayaa dhammaan goobaha ay kala joogaan Islaamiyiinta Mucaarka iyo Ciidamada dowlada kuwaasi oo wada abaabulo xagga Ciidanka.
Wadooyinka dhanka Woqooyiga Muqdisho ayaa lagu arkayaa Xogaga Islaamiyiinta kuwaasi oo qaarkood safara soo galay isla mar’ahaantaana aagaga Ciidanka sii badalaya iyadoo dhanka Ciidamada Dowlada ay wadaan adkaynta goobaha ay haatan haystaan halkaasi oo mudooyinkan dagaala ay kula galayeen Xoogaga Mucaaradka.
Xafiiska Wararka Soomaaliyeed www.Bartamaha.Com
Muqdisho-Somalia.
