Bartamaha (Xarardheere):- Xaalada Deegaanka Xarardheere ayaa la soo sheegayaa in ay dagantahay ka dib dagaalo qaraar oo ka dhacay Deegaankaasi Fiidnimadii xalay.
Jawiga Deegaanka Xarardheere ayaa saaka lagu soo tuusay daganaansho aan caga badan ku taagnayn iyadoo la soo sheegayo in halkaasi ay saaka ku bexeen waxgaradkii shalay soo galaya Xarardheere.
Gabi ahaanba waxaa dib hawada ugu soo laabatay isgaarsiintii deegaankaasi oo Xalay Hawada ka maqnayd iyadoo la sheegayo in ay jiraan dhimasho iyo dhaawac xalay ka dhashay dagaalkii ka dhacay Xarardheere.
Illaa haatan ma jiro wax war ah oo ay bixiyeen Odayaal dhaqameedyadii shalay gaaray Deegaankaasi kuwaasi oo isku howlayay sidii ay u kala bad-badin lahaayeen beelaha isku haya Xarardheere.
Wixii Warar ah Ee Ku soo kordha Xaalada Xarardheere kala soco Bartamaha Wararka Soomaaliyeed.
www.Bartamaha.Com
Muqdisho-Somalia.
