Bartamaha (Muqdisho) Dagaalo qaraar oo u dhexeeya Ciidamada Amisom iyo kuwa Dowlada oo dhinac ah iyo Xoogaga Iskaashanaya Ee Islaamiyiinta ah ayaa waxa uu ka bilowday Wadooyinka Degmada Hodon Ee Muqdisho.
Xoogaga Mucaaradka ayaa la sheegayaa in ay weerarka ku qaadeen Fariisinada Ciidamada Amisom Ee Wadada Makka Al-Mukarama iyo Isgoyska NO.4 Ee Muqdisho halkaasi oo uu ka bilowday dagaalka xiligan ka socda Wadadaasi.
Dagaalada Saaka socanaya ayaa waxaa barbar socda Madaafiic Culus kuwaasi oo lagu garaacayo Xaafado ka mida Magaalada Muqdisho iyadoo Caasimada oo idil laga maqlayo Madaafiicda iyo rasaasta ka socanaysa Wadadaasi.
Illaa haatan lama oga qasaaraha dagaalka Xoogan Ee xiligan ka dhacay wadooyinka Degm ada Hodon EE Muqdisho iyadoo la sheegay in rasaasta ay ka dhacayso Wadada Taleex oo ay qeybo ka mida la wareegeen Xoogaga Islaamiyiinta.
Wixii Warar ah Ee ku soo kordha dagaalada xiligan ka socda Wadada KM.4,Shaqaalaha iyo Taleex kala soco www.bartamaha.Com
Xafiiska Bartamaha Wararka Soomalaiyeed www.Bartamaha.Com
Muqdisho-Somalia.
