Bartamaha(Muqdisho):-Dagaal qaraar ayaa waxa uu ka bilowday dhammaan Isgoysyada ay isku horfadhiyaan Ciidamada Dowlada iyo Islaamiyiinta Mucaaradka intabadan degmooyinka Muqdisho.
Dagaalka ayaa waxa uu ka bilowday Isgiyska Terbuunka iyadoo uu ku fiday Shaqaalaha,Dabka,Sayidka,Aadan Cadde ,Frolenc,Siinaay iyo Beexaani oo dhammaan ay isku hordhiyaan Mucaaradka iyo Dowlada.
Xaalada ayaa ah mid kacsan iyadoo guud ahaan Muqdisho ay saamayn ku yeelayay dagaalka galabta ka socanaya Caasimada waxaana la maqlayaa daryanka Madaafiicda iyadoo Hoobiyayaasha ay yihiin kuwa xisaab la’aan u dhacaya.
Xaafado horay u xasiloonaa ayaa madaafiicda ay ku bilowdeen waxaana ka mida Degmada Xamarweyne oo tira Madaafiic ah ay ku dhaceen iyo sidoo kale Degmada Waabari oo iyana la garaacay.
Jawiga waa uu kacsanyahay waxaana xeran wadada kaliya ee Caasimada la isaga gooshi jiray oo ahayd Wadada Dabka oo dagaalka uu ka socanayo iyadoo dad badan ay ka soo bixi la’yihiin suuqa Bakaaraha.
Wixii soo kordha www.Bartamaha.com kala soco.
Xafiiska Wararka Soomaaliyeed www.Bartamaha.Com
Muqdisho-Somalia
