Bartamaha(Kismayo):- Wadada udhaxaysa Magaalada Muqdisho ee Caasiimada Soomaaliya iyo Magaalada Kismayo ayaa waxaa ku xayiran Gaadiid Farabadan oo sida Rakaab Dad iyo shixnado Ganacsi oo kala duwan kuwaasi oo dhibaatooyin ay ka haystaan sidii ay ku gaarilahaayeen Meelihii ay u socdeen oo kala ahaa Magaalooyinka Kismayo iyo Muqdisho,
Roobab lixaad leh ayaa ka da’ayay Wadadaasi mudooyinkii aynu soo dhaafnay  waxaana ay sababeen in jidkaasi dheer ee isku xira muqdisho iyo Kismaayo uu go’o  waxaana ay ahayd wadadaasi mid had iyo jeer go’da markii ay sidaan oo kale u da’aan roobab xoogan waayo wadada ayaa ah mid aad u burbursan islamarkaasina aanan helin wax dayactir ah. waxaadna    indhahaaga ku arkaysaa marka aad ku safarto wadada u dhexeysa kismaayo iyo Muqdisho waxaad ku arkeysaa Burbur aad u xoogan oo ku yimid jidka dheer ee isku xira labada magaalo.
Roobabka kada’aayo inta u Dhaxaysa  Muqdisho iyo kismaayo ayaa u muuqda  kuwa sii Xoogaysanaayo marba marka kadambayso islamarkaasina sii xumaynaya isu socodka dadka , gaadiidka iyo Ganacsiga ee u dhaxeeyay labadaasi Magaalo ee waa weyn ee Muqdisho iyo Kismaayo,
Ma’ahan Markii ugu horaysey ee ay Go’do Wadadaasi Xagaagii aynu soo dhaafnay ayay ahayd markii ay da’een roobab xoogan kuwaasi oo sababay in ay wadadaasi go’do islamarkaasina sababay in ay joogsadaan dhaq Dhaqaaqyadii Ganacsiga ee u dhexeeya Gobolada Banaadir iyo Jubada Hoose.
Warar Xaqiiq ah kala Soco www.Bartamaha.com
