Bartamaha (Gaal-Kacyo):- Shil qasaara badan dhaliyay ayaa ka dhacay duleedka Magaalada Gaal-kacyo Ee Gobolkaasi Mudug .
Shil gaari oo sababay dhimashada 2-ruux iyo dhaawaca 5-kale ayaa ka dhacay duleedka magaalada Gaal-Kacyo kaasi oo ay ku dhinteen dad can ka aha magaaladaasi.
Shirka ayaa waxaa ku naf waayay allaha u naxariistee Siciid Aadan Cabdi Maamulahii Hay’ada Kaallo oo gaariga shilka galay saarnaa waxaana la geeriyooday mid ka mida dadkii la socday.
Dhaawacyada dadka ay gaareen ayaa loola soo cararay magaalada Gaal-kacyo halkaasi oo haatan lagu dabiibayo iyadoo xaalada dadkaasi qaarkood ay soo yara wanaagsanaanayso.
Shilkan ayaa waxa uu dhacay xilli ay ku sii jeedeen dadkaasi magaalada Garoowe wallow qadarta ay ku qabsatay duleedka Magaalada Gaalkacyo markii gaariga uu ka rogmaday.
Shilalka ayaa ku soo badanaya deegaanada Puntland waxaana marar badan dad ay ku dhinteen wadada u dhexeysa Garoowe iyo Gaal-Kacyo iyo sidoo kale jidka aada Qardho.
Xafiiska www.Bartamaha.Com Ee Bariga Afrika
