Bartamaha(Afgooye):-shilka gaari oo ka dhashay gaari wadada ka baxay ka dibna rogmaday ayaa waxaa ku dhintay 2-ruux 25-kalana dhaawac ayaa ka soo gaaray.
Wararka aynu ka helnay Degmada Afgooye Ee Gobolka Sh/hoose ayaa sheegaya in galabta uu duleedka Degmadaasi uu ku rogmaday gaari ay saarnayeen dadka Caanaha keena Muqdisho.
Gariga oo ay saarnaayeen dadka ka ganacsatada Caanaha ayaa waxa uu galabta ku rogmaday meel qiyaastii 25-KM u jirta Afgooye halkaasi oo ay ku dhinteen 2-ruux 25-ruuxna uu dhaawac soo gaaray.
Gaariga ayaa la sheegay in uu laba jeer iska dul dhacay taasi oo sabab ka dhigtay qasaarahaasi aadka u badan iyadoo dhaawacyada ay ahaayeen kuwa aad u jajabay oo Muqdisho loola soo cararay.
Gaariga maanta shilka galay ayaa waxaa la sheegay in uu wadada ka baxay ka dib markii uu darawalka ka quustay in uu celiyo Isteerinka taasi oo keentay in uu ka dhaco meel daadag ahayd oo qasaarahaasi uu ka dhashay.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
