Sh C/raxman Sh Cumar oo Xoriyadiisii duulimaadka dib u helay lagana saaray liiskii No fligh list ga America Waraysi Dhagayso +Sawiro

Minnesota:-Sh C/raxmaan Sh Cumar Axmed Imaamka Masaajidka Abuubakar Sadiiq ee Gobolka Minnesota Magaalada Minneapolis ahna Gudoomiyaha Golaha Imaamyada Waqooyiga America ayaa laga saaray liiska No Flight list ga ama Duulimaad ma samayn kartid oo Dowladda maraykanku ku soo rogeen Sanadkii Lasoo dhaafay ee November 29/2008 Sh C/raxmaan ayaa wakhtigaas laga soo celiyey Airportka St Paul Minneapolis International Airport Xiligaasna Shiikhu waxuu u socday Xajjka Sh C/raxmaan ayaa xiligaas lala Xariiriyey Dhalinyaro Soomaliya dib ugu laabatay si ay oga qayb qaataan Dagaalada naafeeyey Caasumadda ayaanka daran ee Soomaliya Muqdishu haddaba November 29 keedii Sanadii 2008 da Xiligaas oo Sh C/raxmaan Airportka laga soo Ceshay waraysi aan La yeeshay Halkan ka Dhagayso  

Sidoo kale Waraysi aan Caaway oo ah November 10 keedii Sanadka  2009 oo Sh C/raxman kaga waramayo Dareenkiisa iyo  Xaqiijinta in laga saaray liiska Duulimaad masayn kartid ama wadanka kama bixi kartid Halkan ka Dhagayso  

Hadaba Sh C/raxmaan waxaa la soo xariiray Looyarakiisa Maahir Sharif Habaynimadii Isniinta November 9/2009 waxuuna u sheegay in uu Xoriyadiisii Shiikhu dib u helay oo uu socdaal samayn karo Hadaba Sh C/raxmaan oo arintaas tijaabinaya ayaa Saakay Safar Duulimaad sameeyey Sh C/raxmaan ayaa saakay Subaxnimadii ka duulay Airportka St paul Minneapolis International Saacaddu markii ay ahay sagaalkii aroornimo wakhtiga Minnesota 9:00AM Waxuuna safar ku tagay Magaalada Chicago Sh C/raxmaan ayaa Caawey fiidkii dib ugu soo laabtay Minnesota Magaalada Minneapolis saacaddu markii ay ahay 6:30PM waxaana airporka ku soo dhaweeyey Qayba ka mida Ducaadda Gobalkaan Minnesota iyo Howl wadeenama Masaajidka Abuubakar Sadiiq .

Dhinaca kale Sh C/raxmaan ayaa la hadli doona Saxaafadda Maxaligaa Biri oo ah Arbaco saacaddu markay tahay wakhtiga Minnesota 10:00AM Nov/11/09 Goobta uu kula hadlayana waa Masaajidka Abuubkar Sadiiq Sh C/raxmaan ayaa waraysigiisa noogu sheegay in uu rabo in uu shaaca ka qaado in uu xoriyadiisii dib u helay iyo saxaafadda maxaligaa oo horay loogu sheegayna uu rabo in uu u cadeeyo wixii horay loogu shubay Sh C/raxmaan ayaa u Mahad celiyey Somalida Dhammaantood uguna baaqay Midnimo iyo Iskaashi kuna baraarujiyey in ay xoogooda iskugu geeyaan khayrka. 

Sh C/raxmaan Ayaa Culuma AWdiinka Soomaliyeed iyo Ducaadda ku sugan Dunida Daafaheeda Fariin u diray waxuuna dhammaantood u sheegay in uu nabad qabo oo aysan ka wal walin mar danbe xoriyadiisiina uu dib u helay dhammaan Culumada iyo Ducaadda wuxuu u celishay mahad balaaran gaar ahaan waxuu XusayXafidahulaah Sh Mohamed Cabdi Umal oo Sanadkii hore Xajja ka oga soo Duceeyey asaga oo Taagan Banaanka ama Barxadda Carafa waa sida Sh C/raxmaan waraysigiisa uu ku sheegaye: 

Waxaa isku Soo duba riday 
Abdiwali Dalboon Minnesota 
Minneapolis,www.Bartamaha.com