Bartamaha(Muqdisho):-Ra’iisul Wasaaraha Dowlada Fd soomaaliya Cumar C/rashiid ayaa sheegay in dagaaladii ay Magaalada Muqdisho kula galeen kooxaha Mucaaradka ay ka guuleesteen.
Dr.Cumar C/rashiid oo saxaafada la hadlayay ka dib kulan uu ka qeyb galay kaasi oo ay yeesheen ururka IGAD ayaa sheegay in magaalada Muqdisho ay dagaala kula galayeen ciidamadooda kooxo uu ku tilmaamay kuwa nabadda ka soo horjeeda oo doonayay in dowlada awoodeeda ay wiiqaan.
Ra’iisul wasaaraha ayaa tilmaamay in gabi ahaanba ay magaalada ka sifaynayaan kooxahaasi isagoo sheegay in ciidamadooda ay awood ku maquuniyeen tira yar oo kooxdaasi ah kuwaasi oo uu tilmaamay in ay weerar ku soo qaadeen ciidamadooda ka dibna ay ku jaben.
Hadalka ka soo baxay Ra’iisul wasaare Dr.Cumar C/rashiid ayaa ku soo aadaya xilli welli ay Muqdisho isku horfadhiyaan xoogaga dowlada Mucaaradka ku ah kuwaasi oo shalay guula saxaafada ay aragtay ka gaaray dagaalkii ay la galeen ciidamada tirade badan ee dowlada Fd soomaaliya.
Xafiiska Wararka Soomaaliyeed www.Bartamaha.Com.
Muqdisho-Somalia.
