Bartamaha (Muqdisho):- Magaalada Muqdisho ayaa dagan ka dib dagaal xoog badan oo xalay illaa shalay ka socanaya magaalada iyadoo xalay Madaafiic lagu garaacay xaafado ka mida caasimada.
Jawi daganaansha ah ayaa saaka laga dareemayaa xaafado ka mida magaalada Muqdisho kadib markii madaafiic lagu garaacay xalay iyadoo shalay galab illaa fiidnimadii xalay dagaal uu ka socanayay magaalada.
Duqeynta iyo dagaalka xalay dhacay ayaa sababay dhimasho iyo dhaawac dadka shacabka ah ka soo gaaray waxaana inta la ogyahay dhintay 7-ruux halka 14-kale oo dhaawac ahna laga qaaday aagaga dagaalka uu ka dhacayay.
Qasaaraha dagaalka ayaa intaasi ka balaaran waxaana jiray dagaalo ka dhacayay xaafadaha woqooyiga Muqdisho wallow aan kuwaasi laga hayn wax war ah oo ku aadan qasaaraha ka dhashay maadaama dhulka la isku hayay uu cidla yahay.
Xaalada guud ayaa saaka u muuqanaysa mid dagan waxaana xilli walba laga baqanaya ain dagaal uu qarxo maadaama ay is hayaan xoogaga Shabaab iyo kuwa Amisom oo isku horfadhiya aagaga lagu dagaalamayay.
Xafiiska www.Bartamaha.Com Ee Bariga Afrika
