Bartamaha (Muqdisho) Madaafiicdan ayaa waxa ay suuqa Bakaaraha  ku soo dheceen saaka kuwaasi oo aan la ogayn sababta keentay maadaama magaaladu ay tahay mid Xaslioon.
Illaa 5-Madfac oo nuuca hoobiyaha ah ayaa saaka ku soo dhacday gudaha iyo hareeraha Suuqa Bakaaraha halkaasi oo aan la ogayn sababta keentay xilli xaalada guud Ee Caasimada ay u muuqato mid dagan.
Inta la ogyahay madaafiicda saaka ku soo dhacday Suuqa Bakaaraha ayaa waxa ay sababeen dhimashada 2-ruux oyo dhaawaca 5-kale kuwaasi oo ahaa dhammaantood ganacsatada suuqa Bakaaraha.
Gawaarida gurmadka ayaa la arkayay iyagoo ku howlan qaaditaanka dhaawacyada iyadoo suuqa xiligaasi uu ahaa mid inta badan cidla ah dadkuna aanay soo wada gaarin.
Inta badan madaafiicda Magaalada Muqdisho ku dhacda ayaa waxa ay saamayn ku yeeshaan dhaqdhaqaaqa ganacsiga Suuqa Bakaaraha oo deres la noqday geerida ay sababta u tahay madaafiicda lagu garaaco suuqaasi.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
