Bartamaha(Baydhabo):-Maamulka Xarakada Alshabaab Magaalada Baydhabo ayaa shaaca ka qaaday in ay bilaabayaan burburin gobo ganacsi sharci dara ah gudaha wadooyinka Baydhabo.
Sheekh Maxamuud Xaaji Mukhtaar Gudoomiye ku xigeenka Maamulka Alshabaab Baydhabo ayaa ku hanjabay in ay dhammaan dhulka dhigayaan goobaha ganacsiga wadooyinka Magaaladsa Baydhabo hadii aanay ganacsatada kala bixin hantidooda.
Gudoomiye Xigeenka ayaa hadalka sheegay ka dib markii digniin ay u jeediyeen ganacsatada islamarkaana ay u hogaansami waayeen amarka Maamulka Alshabaab Bsydhabo.
Sheekh Maxamuud Xaaji ayaa dhanka kale sheegay in dhawaanahan ay wadeen kulamo ay la yeelanayaan ganacsatada si meel la iskula dhigo goobaha la dhisanayo gudaha Suuqyada Baydhabo.
Masuulkaasi Maamulka Alshabab Baydhabo u hadlayay ayaa waxa uu ugu danbayntii ku dooday in ay ka dhaga fureysteen ganacsatada amarada Maamulka ka soo baxaya islamarkaana ay Ciidamadooda maalinta birita ah fasax u yihiin in ay burburin ku sameeyaan goobahaasi ganacsiga.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
