Maamulka Islaamiga ah ee Kismaayo oo Socdaal ay ugu kuur galayeen Amaanka ku soo Maray Tuulooyinka Gobolka J/dhexe.

Bartamaha (Kismayo) :- Maamulka islaamiga ee  magaalada kismaayo ayaa socdaalo ay ugu  kuur galayaan dhinaca amaanka  ku soo maray tuulooyin kamid ah Gobalka J/dhexe  islmarkaasi  gaarisiyay  deeq lacageed.

 Xubnahaan ka tirsan  Maamulka  Islaamiga  ee Magaalada Kismayo ayaa socdaal dheer oo ay ugu kuurgalayeen  dhinaca Amaanka iyo mida  Nololeed kusoo marey Tuulooyin dhowr ah oo ka tirsan  Gobalka  j/dhexe  islamarkaasina dhinaca  Galbeed kaga aadan  Degmada Jilib ee gobalka   Jubba  dhexe, waxaana tuulooyinka ay socdaalka  ku soo  mareen  Xubnahaasi  kamid ah  Tuulada Baladul raxmo ama loo yaqaano Faragurow oo ku taalo Daanta Galbeed ee wabiga  jubba islamarkaasina ay ku noolyihiin  dadka qabo  cudurka  Juudaanka  oo  ayagu mudo sanado ah ku noolaa Deegaanadaasi.

 Hasayeeshee dadkani qabo Cudurka Juudaanka oo ay Dowladii Hore  ee Soomaaliya dejisay Deegaanadaasi  ayaa Maamulka Islaamiga ee  Magaalada Kismaayo uu gaarsiiyay Deeq Lacageed oo gaarayso ilaa  Labaatan iyo Todobo  Malyan  oo shilinka Soomaliga ah kana timid qaar kamid ah Dadka Soomaaliyeed ee ku nool  Wadanka  Ingariiska ayna  u soo mariyeen Maamulka Islaamiga  ee Magalada  kismayo taasoo loogu talagaley ilaa sagaal boqol iyo konton qof oo  qabo cudurka  Juudaanka  kuna nool Tuuladaasi.

 Kadib  gaarsiinta deeqdaasi uu  gaarsiiyay Maamulka  Islaamiga  ee Magaalada Kismayo Dadkaasi ku tabaalaysan deegaanadaasi  ayaa waxaa  Maamulka  Islaamiga ee Magaalda Kismaayo  uu ka codsadey  Umada Soomaaliyeed in ay u gargaaraan Dadkaasi Walaalahooda  ah  ee ku dhibaataysan Tuulaasi Faraguroow.

 Waa markii ugu  horaysey ee Maamulka  Islaamiga   ee Magaalda Kismaayo  uu Booqasho  caynkaasi oo kale  ah uu ku tago Deegaano ka tirsan  Goabalka  Jubba  Dhexe.

 

Ismaaciil Cali Cabdi

bartamaha Kismayo-Somalia