Bartamaha (Afgooye):- Maamulka Xizbul Islaam Degmada Afgooye ayaa soo saaray wareegto ay ku farayaan masaajida Degmadaasi in salaada mar qura wada dukadaan .
Wareegtadan oo loo qeybiyay in ka badan 65-Masjid oo ku kla yaala deeganada hoosyimaada Degmada Afgooye ayaa la sheegayaa in lagu amray in marqura ay wada Aadaamaan islamarkaana salaada la wada dukado waqto cayman.
Amarkan ay soo saareen Islaamiyiinta Afgooye ayaa waxa uu yahay mid muran xoogan abuuray iyadoo Imaam yada Masaajida la geeyay Waraaqaha ay dalabdeen in laga wada hadlo qaabka ay wax u doonayaan Xizbul Islaam Afgooye.
Masuuliyiin ka mida Maamulka Xizbul Islaam Afgooye oo saxaafada la hadlay ayaa ujeedada ku soo koobay in ay badatay khilaafka dhanka masaajida Ee xiliyada salaada ku aadan iyadoo ay ku andacoodeen an shacabka amarkii la faray Ee ahaa in goobaha ganacsiga la xero ay sheeganayaan in welli salaada aan laga dukan masjid u dhow dadkaasi.
Kooxda Xizbul Islaam Afgooye ayaa bilihii la soo dhaafay waxa ay joogta ka dhigteen amarro aan wada tashi lahayn taasi oo ay dul dhigayeen shacabka ku dhaqan deegaanda kala duwan Ee Degmada Afgoye hoosyimaada.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
