Bartamaha(Gaal-Kacyo):-Dadka Magaalada Gaal-Kacyo ayaa helay maydka laba dhalinyara ah oo jirdil ruuxa looga qaaday duleedka Woqooyiga Gaal-Kacyo.
Sida wararka nagu soo gaarayaan Labada wiil ayaa waxa ay ka mid ahaanyeen dhalinyarada ka xoogsata Magaaladaasi Gaal-Kacyo iyagoo deegaan ahaan ka soo jeeday Bay iyo Bakool.
Jirka labada wiil ayaa waxaa ka muuqanayay dhaawacyo jirdil ah iyadoo Madaxa inta badan ay garaafo kaga taalay taasi oo muujinaysa dilka loo geystay.
Maydka ayaa waxa uu u muuqday mid aan in badan goobta aalin iyadoo dadweyne ay soo qaadeen ka dibna la keenay gudaha Istitaalka Woqooyiga Gaal-Kacyo.
Ma jiro wax war ah oo laga haayo madaxda ammaanka wallow la xaqiijiyay in labada dhalinyarada ah ay ahaayeen kuwa ka xoogsanayay Magaaladaasi kala soo jeeday Bay iyo Bakool.
Dhawaanahan ayaa waxaa isa soo tarayay dilalka sida gaarka ah loogu geysanayay dadka ka soo jeeda Gobolada Bay iyo Bakool iyo dhulka Soomalai galbeed kuwaasi oo dhammaan dadka ay uga shakiyeen in ammaan darada ay masuul ka yihiin.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
