Bartamaha (Nairobi):-Ciidamo ku hubeeysan 10 gawaarida dagaalka ah kana kooxda Al-shabaab ayaa gaaray degmada ceel-dheer ee Gobalka Galgaduud sida ay sheegan wararka ka imanaya halkaas
Wararku waxaa ay intaa ku darayaan in wax iska horimaad ah uusan ku dhaxmarin gudaha degmada Ciidamada Al-shabaab iyo kuwa Xoogagga Ahlu Sunna Waljameeca oo saacado ka hor isaga sii baxay degmada, waxaana la maqlayay oo kaliya rasaas ay cirka u ridayeen Ciidamada Al-shabaab markii ay gudaha u soo galayeen degmada.
Waxaa dhamaanba xirnaa goobaha ganacsiga degmada Ceel-dheer dadkuna waxaa ay dhag taagayaan waxa xigga saacadaha soo socda, maadaama laga yaabo in ay soo weeraraan Ciidamada Al-shabaab Xoogagga Ahlu Sunna Waljameeca oo aan sidaa ugu fogeyn degmada Ceel-dheer.
Waxaa jirra cabsi balaaran oo durbaba soo food saartay dadka degmada Ceel-dheer ee Goballka Galgaduud oo markii ay gudaha u soo galeen degmada Ciidamada Al-shabaab iyadoo xilli walba ay macquul tahay in deegaankasi ay dagaalo ka dhacaan.
Qabsashada degmada Ceel-dheer ee Xarrakada Mujaahidiinta Al-shabaab ayaa ka dhigeysa in hadda Al-shabaab gacan ku heyso deegaanno badan oo ka tirsan Goballka Galgaduud, kadib markii labo maalin ka hor dagaal qaraar oo ay la galeen Xoogagga Xarrakada Mujaahidiinta Al-shabaab ay kula wareegeen deegaannka Masago-waay iyo degmada Galcad, ilaa haddana ma’jirro wax war ah oo ka soo baxay dhinaca Saraakiisha Ahlu Sunna Waljameeca ee ku aadan qabsashada degmada Ceel-dheer.
Ibraahim Da’ud Abdalle “Gentlemanâ€
xafiiska wararka Baratamaha ee Nairobi.
