Bartamaha(Tiyeeglow):-Maleeshiyaadka Kooxaha Alshabaab iyo Xizbul Islaam ayaa Xalay dagaal faraha looga gubtay ku dhexmaray Deegaanka Tiyeeglow Gobola Bakool.
Wararka soo gaaraya Xafiiska Bartamaha Wararka Soomaaliyeed www.Bartamaha.Com ayaa sheegaya in dagaal uu dhexmaray Maleeshiyaadka Alshabaab iyo Xizbul Islaam ka dib markii la rasaaseeyay gaari Kooxda Xizbul Islaam ay saarnaayeen.
Abaara 7:30-mirir ah ayaa guud ahaan Degmada Waxaa ka bilowday dagaal qaraar oo labada Koox u dhexeeya kaasi oo dadka deegaanka qalqal iyo cabsi ku riday.
Madaafiic iyo rasaas culus ayay Maleeshiyaadka Labda Koox isku dhaafsadeen Magaalada taasi oo sababtay dhimashada 1-ruux iyo dhaawaca 7-kale oo ay ku jiraan labada Maleeshiyo Islaami ee dadaalantay.
Ma jiro Wax war ah oo ka soo baxay Maamulada sare oo ay ku magic sheegtaan marka laga reebo Khilaaf hore deegaankaasi uga jiray oo soo ifbaxay ka dib dagaalkii Kismaayo.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
