Dagaalo Xalay ka dhacay qeybo ka mida Woqooyiga Muqdisho iyo xaalada oo saaka dagan.

Bartamaha(Muqdisho):-Dagaalo qaraar ayaa xalay ka qarxay Xaafado ka mida Degmooyinka Woqooyiga Muqdisho halkaasi oo bishii la soo dhaafay ahayd mid xasiloon.

Dagaal xoogan oo u dhexeeya Ciidamada Dowlada iyo Xoogaga Islaamiga ah ayaa xalay fiidnimadii hore waxa ay ka bilowdeen Degmooyinka Boondheere iyo shibis Ee woqooyiga magaalada Muqdisho .

Dhinacyada Islaamiyiinta ayaa la sheegayaa in ay Xalay weeraro ku qaadeen fariisinada Ciidamada Dowlada oo ay  isaga soo horjeedaan wadooyinka Degmooyinkaasi.

Madaafiic ay labada dhinac isdhaafsadeen ayaa la xaqiijiyay in ay ku geeriyodeen 3-ruux iyadoo dhaawac loola cararay Isbitaalada ay gaarayaan 7-ruux oo intooda badan ah dad shacab ah .

 Maalmihii la soo dhaafay waxaa Magaalada Muqdisho joogta ka noqday Weerarada Xoogaga Islaamiga ah oo ay afur uga dhigaan dadka ku nool magaalada Caasimada ku dhaqan.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.