Bartamaha(Muqdisho):- Dagaalo u dhexeeya Ciidamada Dowlada iyo Xoogaga Mucaaradka ayaa saaka ka dhacay Xaafado ka mida degmooyinka Woqooyiga Muqdisho.
Dagaalka oo ahaa mid la isku adeegsaday hubka nuucyadiisa ayaa waxa uu mudo saacada ah ka socanayay Xaafado ka mida Shibis iyo C/Casiis oo ay in mudda ah isku hor’fadhiyeen Ciidamada Islaamiyiinta iyo kuwa Dowlada.
Inta la ogyahay waxaa geeriyootay 3-ruux iyadoo dhaawacyada ay qaaden gawaarida gurmadka ay gaarayaan 7-ruux oo dhammaantood ah dad shacab ah wallow ay jiraan qasaarooyin aan cadadooda la garan oo soo gaaray labada dhinac Ee Dagaalamay.
Jawiga ayaa ah xiligan mid dagan iyadoo aanay jirin wax rasaas ah oo halkaasi ka dhacaya waxaana dib u bilaabay dhaqdhaqaaqooda shacabka tirade yar Ee ku haray deegaanadaasi oo dadkii daganaa horey uga barakaceen.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
