Bartamaha(Muqdisho):-Dagaalo ay duqeymo la socdeen ayaa maanta ka dhacay Wadada Makka Al-Mukarama iyo suuqa Bakaaraha.
Ciidamada AMISOM ayaa saaka isku soo fidiyay wadada Makka Al-Mukarama Ee Muqdisho halkaasi oo ay weerar ku qaadeen Islaamiyiinta Mucaaradka.
Dagaalka rasaasta la isdhaafsanayay ayaa muddo yar ka socanayay halkaasi iyadoo Madaafiic culus ay Ciidamada Amisom la bartilmaameedsadeen Suuqa Bakaaraha.
Madaafiicda Saaka Baraaka ku dhacaysay ayaa waxa ay ahayd nuuca Taangiga ka dhacda taasi oo burbur iyo qasaara nafeedba sababi karta.
Illaa haatan lama cadayn cadadka dhimashada iyo dhaawaca ee Madaafiicda wallow aanay Amisom saaka u yarayn duqeynta Madaafiicda ay Bakaaraha oo kaliya u geysatay.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
