Bartamaha(Muqdisho):-Islaamiyiinta Mucaaradka ayaa saaka weerar kula jarmaaday Ciidamada Amisom ee dagan Kuliyada Jaale Siyaad halkaasi oo dagaal xoogan uu ka dhacay.
Dagaalka oo ahaa mid aad u xoogan ayaa labada dhinac waxa ay isdhaafsadeen hubka nuucyadiisa kala duwan iyadoo Ciidamada Amisom ay iska cabiyeen weerarkii dhanka Mucaaradka.
Rasas culus ayaa halkaasi ka dhacaysay muddo 30-Daqiiqa ah taasi oo ay isdhaafsanayeen Ciidamada AMisom iyo Xoogaga soo weeraray iyadoo ay sababtay in wadada ay xeranto in mudda ah.
Inta la ogyahay 2-ruux ayaa ku nafwaayay dagaalkii koobnaa balse xooganaa ee saaka dhacay iyadoo 4-kale dhaawac ahaan loola cararay goobaha Caafimadka ka dib dagaalka.
Maalmihii ugu danbeeyay waxaa sii kordhayay dagaalada ka dhacayay wadada Warshadaha iyo hareeraheeda kaasi oo inta badan ay weerarka qaadayeen Ciidamada Islaamiyiinta ee dagan meel u jirta fadhiga Amisom wax ka yar 300-Mitir.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
