Bartamaha(Muqdisho):-Dagaal u dhexeeyay Ciidamada Dowlada Iyo Xoogaga Mucaaradka ayaa saaka ka dhacay Xaafado ka mida Magaalada Muqdisho.
Dagaalka ayaa waxa uu ku bilowday rasaas teel teel ah ka dib markii Ciidamada Dowlada ay ku dhawaadeen fadhiyada dhanka Mucaaradka Ee Degmada Shibis.
Gari Ciidamada Dowlada ah ayaa dagaalka lagu gubay sida ay xaqiijiyeen dadka deegaanka iyagoo dagaalka uu sidaasi u xoogaystay wallow saacad ka dib ay xalada caadi ku soo noqotay.
Dagaallka saaka dhacay ayaa waxa uu sababay dhaawaca illaa7-qof oo shacab ah kuwaasi oo madaafiicda ay ugu tageen Xaafadaha ay ku suganyihiin Magaalada Muqdisho.
Jawiga ayaa dagan haatan markii uu dagaalka joogsaday barqanimadii maanta iyadoo labada dhinac ay ku kala suganyihiin goobihii ay ku dagaalameen Ee Xaafadaha Woqooyiga Muqdisho.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
