Bartamaha(Gaal-Kacyo):-Dagaal qaraar oo qasaara sababay ayaa maanta ka dhacay suuqa Woqooyiga Magaalada Gaal-Kacyo halkaasi oo ganacsatada Iyo Ciidamada Minishiibiyada ku dagaalameen.
Ciidamada Minishiibiyada ayaa duhurnimadii maanta soo buuxiyay suuqa Magaalada gaar ahaan hareerta Bangigii dhexe Gaal-Kacyo halkaasi oo ganacsatada lagu amray in ay ka guuraan.
Ganacsatada la amray in ay goobtaasi isaga guuraan ayaa markoodii hore dagaal u diyaargaorowday iyadoo Ciidamada ay dumin ku bilaabeen Sandaqadaha Ganacsiga taasi o tacshiirad dhalisay.
Shaqaaqada goobtaasy ka dhacday ayaa dhalisay dhimashada 1-Askari iyo dhaawaca  2-ruux oo rayid kuwaasi oo ka agdhowaa goobta dagaalka uu ka bilowday gudaha Suuqa Woqooyiga Gal-Kacyo.
Xaalada ayaa maanta ahayd mid qasan wallow galabta ay cadi ku soo laabatay iyadoo Ciidamada Booliiska ay soo fara galiyeen dhacdada qasaaraha dhalisay ee maanta ka dhacday Magaalada.
Ma jiro wax war ah oo ka soo baxay Taliska Ammaanka Magaalada Gaal-Kacyo iyo Maamulka Gobolka Mudug iyadoo Ciidamada Minishiibiyada ay ku mashquuleen aaska askarigii laga dilay.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
