Bartamaha(Muqdisho):-Dagaal xoogan oo u dhexeeyay Ciidamada Dowlada iyo Xoogaga Islaamiga ah ayaa saaka ka dhacay Xaafado ka mida Woqooyiga Muqdisho.
Dagaalka ayaa waxaa la sheegayaa in uu yahay mid aad u xoogan oo Ciidamada Dowlada iyo Islaamiyiinta ay isku adeegsanayeen hubka nuucyadiisa kala duwan.
Illaa 3-ruux ayaa la xaqiijiyay in ay ku dhaawacmeen rasaasta saaka ka dhacday Degmada Shibis iyo Deegaano ka mida C/Casiis halkaasi oo dagaal xoogan uu ka dhacay.
Dagaalka saaka dhacay ayaa u muuqday mid xoogan oo Xoogaga Islaamiga ah iyo Ciidamada Dowlada ay hubka kala duwan isdhaafsadeen.
Deegaanada lagu dagaalamay ayaa waxaa dib ugu soo laabtay bulshadii daganayd oo xilli halkaasi isaga barakacday wallow dhawaanahan lagu soo gurya noqonayay.
Wixii ku soo kordha Xaalada Deegaanada lagu dagaalamay kala soco www.Bartamaha.Com
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
