Bartamaha(Muqdisho):-Dagaal xoogan oo u dhexeeya Ciidamada Dowlada iyo Xoogaga ka soo horjeeda ayaa galabta ka dhacay Xaafado ka mida Woqooyiga Magaalada Muqdisho.
Dagaalka galabta dhacay ayaa waxa uu ahaa mid aad u xoogan iyadoo Ciidamada Dowlada la sheegay in ay weerar gaadma ah ku nsoo qaadeen fadhiyada Islaamiyiinta ee Wadada Nasii-Buundo Shibis.
Dagaalka ayaa ahaa mid xoogan balse waqti kooban socday kaasi oo dhaliyay dhimashada 1-ruux iyo dhaawaca 4-kale oo inta badan rasaasta ay ugu tagtay Degmooyinka kale ee woqooyiga Magaalada Muqdisho.
Xalay saqdii dhexe ayaa mar laga maqlayay Degmadaasi rasaas waqti kooban socotay balse aan la ogaan qaabka ay u dhacday iyo qasaaraha ka dhashay dagaalkaasi iyadoo dhawaanahan ay halkaasi ku xoo noqonoqdeen isku dhaca Ciidamadaasi.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
