Bartamaha(Xudur):-Dagaal qaraar oo ahaa ku dhufo oo ka dhaqaaq ayaa Xalay saqdii dhexe ka dhacay Duleedka Degmada Xudur Ee Gobolka Bakool.
Wararka naga soo gaaraya Degmada Xudur ayaa waxa ay sheegayaan in Xalay saqdii dhexe uu dagaal xoogan ka dhacay meel ku dhow Degmadaasi ka dib markii weerar gaadma ah ay soo qaadeen Ciidamada Dowlada.
Dagaalka ayaa waxaa la sheegay in uu u dhexeeyay Maleeshiyada Alshabaab iyo kuwa Dowlada oo weerar gaadma ah ku soo qaaday fadhiga Alshabaab Xudur.
Ciidamada Dowlada ayaa waxa ay malmihii ugu danbeeyay wadeen qorshe ay ku soo qaadayaan dagaalo ku dhifo oo ka dhaqaaq ah oo qasaara ay ugu geysanayeen Ciidamada Alshabaab.
Weerarka Xalay dhacay wax faah-faahin dheeraad ah lagama helin marka laga reebo dhaawacyo la kala geeyay Xudur iyo Yeed oo ay labada koox kala joogaan iyadoo aan war laga helin masuuliyiinta labada dhinac ee Gobolka isku hayan.
Wixii warar ah ee ku soo kordha Xaalada Gobolka Bakool kala soco Warar sugan www.Bartamaha.Com Insha Allaah
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
