Dadka ku nool xeryaha Barakacayaasha Gaal-Kacyo oo ka cabanaya kooxo burcad ah oo habeenkii u soo dhaca .

Bartamaha(Gaal-Kacyo):-Barakacayaasha ku nool koonfurta Magaalada Galkacyo ayaa cabasho balaaran ka muujiyay kooxo burcad ah o xiliyada habeenkii ah u soo dhaca xeryaha barakacayaasha ay ku noolyihiin.

Barakacayaasha ayaa waxa ay sheegeen in kooxaha burcadda ah ay xiliyada qaar isku dayaan in ay kufsadaan haweenka ka mid ah dadka barakacayaasha ah Ee Xeryahaasi ku jira.

 

Burcada cabashada laga muujiyay ayaa waxaa la xaqiijiyay in ay yihiin kuwa ku hubaysan nuucyada hubka kuwaasi oo mararka qaar baarasho kula dhaqaaqa qoysaska tabarta daran.

 

Cabashadan ka soo yeertay dadka barakacayaasha ah ayaa waxa ay imaanaysaa xilli ammaan koonfurta Gaal-kacyo xiliyadii ugu danbeeyay uu soo hagaagayay ka gadaal markii ay Ciidamada Galmudug howlgalo ay halkaasi ka sameeyeen.

 

Xafiiska Bartamaha Wararka Soomalaiyeed www.Bartamaha.Com

Muqdisho-Somalia.