Wax garad iyo Culumaa’udiin Maalmihii lasoo dhaafay ka tagey Magaalada Kismaayo Ee Xarunta Gobalka J/hoose ayaa waxa ay Maanta ku guulaysteen in ay Xaliyaan  Qilaafaad u dhexeeyay  dad Xoolo dhaqato  ah iyo Beeraley oo kuwada Nool Agagaarka Tuulada Beerxaani Ee galbeedka Magaalada Kismaayo.
 Waxaa Maalmihii la soo dhaafay ay Dagaalo ka dhaceen Deegaanada galbeed Ee   Magaalada Kismaayo kuwaasi oo u dhaxeeyay Dad iyagu Xoolo Dhaqato ah iyo iyo beeralay waxa ayna isu geysteen dhaawacyada ilaa labo qofood waxaana la soo gaarsiiyay Isbitaalka Guud ee Magaalada Kismaayo halkaasi oo lagu daweynayo.
 Maalin ka hor ayaa Odayaasha Dhaqanka Ee Deegaanka Beerxaani iyo Masuuliyiin ka tirsan Maamulka Islaamiga ah Ee Magaalada Kismaayo waxa ay gaareen Goobaha ay dagaaladu ka dhaceen Maalmihii la soo dhaafey waxaana ay Maanta ku guulaysteen in ay  Heshiis kama dambays dhexdhigaan labada dhinac islamarkaana waxa ay ugu baaqeen labada dhinac in  ay si nabadgalyo  ah kuwada noolaadaan ,
 Isku soo wada duuboo Is qabqabsiga iyo Dagaalada u dhexeeya Beeraleyda iyo Xoolaleyda ayaa ah mid soo noqnoqota Sanad walba.
Â
Ismaaciil Cali Cabdi
www.bartamaha.com
kismaayo-somaaliya
