Bartamaha (Galinsoor):- Wararka naga soo gaaray Deegaanka Galisoor Ee Gobolka Mudug ayaa sheegaya in aano qabiil loo dilay dad rayid ah taasi oo xiisad ka abuurtay Deegaankaasi.
Sida wararka naga soo gaaray deegaankaasi Galisoor ay sheegayaan waxaa la dilay Laba qof qaar kalana dhaawac ayaa soo gaaray ka dib markii qaab aano Qabiil lagu sheegay dadkaasi waxyeelada loo gaystay.
Laba qof ee la toogtay ayaa waxa ay ahaayeen Laba ruux oo Xoola dhaqata ahaa waxaana loo beegsaday qaab aano qabiil ah taasi oo sabab ka dhigtay in dadka deegaanka ay kala cararaan oo qof walba difaac galo.
Waxaa bilaabatay Cabsi aano qabiil ah iyadoo dadka deegaanka ay bilaabeen in ay kala maataan iyadoo laga qaaday Galin soor laba qof oo dhaawac ahaa oo la doonayay in la dilo balse waxyeela ay ka soo gaartay rasaastii lagu furay.
Dadka dhaawaca ah ayaa la gaarsiiyay Isbitaalka guud ee Magaalada Gaal-Kacyo halkaasi oo haatan lagu dabiibayo dhaawacyada dadkaasi oo qaab qabiil ahaan la doonayay in loo dilo sida dadka reer Galinsoor ay cadeeyeen.
Weli xaalada Galin soor ayaanan ahayn mid dagan waxaana laga baqanayaa in dagaal ama dilal kale ay dhacaan balse warar soo baxaya ayaa sheegaya in Odayaal dhanka Gaalkacyo ka soo dhaqaaqay ay gaareen Deegaankaasi.
Xafiiska www.Bartamaha.Com Ee Bariga Afrika.
