Bartamaha (Galkacyo):-Dablay hubaysan ayaa habeenkii xalay laba wiil oo dhalinyaro ah dhaawac ugu geysteen goob maqaaxi ah oo ay xiligaasi ka kaxweynayeen.
Dablaydan oo ku hubaysnaayeen Bastoolado iyo Tooreeyo ayaa damceen in ay baartaan dadkii ku sugnaa Maqaaxidaasi, balse dadka qaarkood ka dhaga adeygeen falka baarashadaasi.
Laba wiil oo dhalinyaro ah ayaa ku dhaawacantay rasaas ay fureen dableydaasi, markii ay rasaasta fureen kadibna goobtii ayay isaga baxsadeen.
Goob jooge ayaa sheegay in rasaasta kadib goobta soo gaareen Ciidamo taabacsan urur Diimeedka Ahlu Sunna Wal-jameeca, halkaasina baaritaano ka sameeyeen.
Labada wiil ee dhaawacyada soo gaareen ayaa loo qaaday isbitaal ku yaala isla magaalada Gaal-kacyo halkaas oo gar gaar caafimaad loogu sameeyey.
Mas’uuliyiin ka tirsanayd Ciidamada xalay goobtaasi soo gareen ayaa sheegay in ay ku raadjoogaan kooxihii falkaasi geysteen haddii ay soo qabtaana xukun marsiin doonaan.
Habeenadii ugu danbeysay ayaa Xaafadaha Koonfurta Magaalada Gaal-kacyo ku soo badanayeen falalka dhaca iyo dilka ay ka geysanayaan kooxo ku hubaysan bastoolado iyo Tooreeyo ay ku dhacaan dadka shacabka ah.
Xafiiska bartamaha wararka Soomaaliyeed www.Bartamaha.com
Muqdisho somalia
