Bartamaha(Sh/Dhexe):-Kooxo buracad hubaysan ah ayaa xalay wadada Deegaanka Raaga-Ceele u galay gaari safar ahaa kaasi oo ay kula dhaqaaqeen dil,dhaawac iyo Baarasho rakaabkii gaarigaasi la socday.
Burcada hubaysan ayaa la sheegayaa in ay wadaha gaariga ay ku amreen in uu joojiyo balse uu ka dhaga adeegay taasi oo keentay rasaas ay ku furan rakaabka garigaasi taasi oo keentay dhimashada 1-ruux iyo dhaawaca 2-kale .
Kooxaha hubaysan ayaa waxa ay bilaabeen in ay dhac iyo baarasho kula dhaqaaqaan dadkii gaarigaasi saarnaa iyadoo jirdil kula dhaqaaqay qaar ka mida dadkii ay baaranayeen.
Deegaanka Raage Ceele ayaa ah tuulo ka mida Gobolka Sh.Dhexe iyadoo ay marto wadada Xeebta uga baxday Magaalada Muqdisho dhanka Woqooyi halkaasi oo ay ku suganyihiin Ciidamada Maamulkii laga faramaroojiyay qeybo ka mida Gobolkaasi Ee Maxkamadaha Islaamiga ahaa kuwaasi oo aan u soo jeedin wax ka qabashada ammaanka Deegaanada ay weli ku suganyihiin.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
