Bartamaha (Ceelsha-Biyaha) Ciidamada Ururka Xizbul Islaam ayaa saaka ku dhaqaaqay howlgalo ay ku baarayaan dadka iyo gaadiida deegaanada Ceelasha Biyaha illaa Afgooye
Ciidamada Xizbul Islaam ayaa waxa ay saaka howlgalo ka sameeyeen Deegaanada Ceelasha Biyaha,Carbiska,Xaawa Cabdi illaa Afgooye iyadoo ay xabsiyada ay u dhaadhiciyeen dad ay baaritaanadaasi ku soo qabteen.
Goobaha ay ciidamada sida wayn u baarayeen ayaa waxaa ka mida suuqa Deegaanka Ceelasha Biyaha iyo dhammaan gawaarida soo galaysa iyo kuwa ka baxaya Deegaanada ay ka taliyaan Xizbul Islaam.
Illaa haatan wax faah-faahin ah lagama haayo dadka ay xabsiyada geeyeen Ciidamada oo kor u dhaafaya 10-ruux waxa ay ku Eedeysanyihiin balse warar hoose ayaa sheegaya in ay daba joogeen Ciidamada dhalinyaro ka tirsanayd ururkooda oo hub la baxsatay.
Maalmihii la soo dhaafay waxaa howlo ammaanka wax looga badalayo ka waday inta u dhexeysa Muqdisho iyo Afgooye Ciidamada Alshabaab iyo Kuwa Xizbul Islaam kuwaasi oo kala qeybsaday awooda talinta deegaanada lagu barakacay.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
