Bartamaha(Muqdisho):-Ciidamada xoogaga Alshabaab ayaa xalay gacanta ku soo dhigay haweeney dil u geysatay saygeeda Deegaanka Gurdaan oo ka mida tuulooyinka hoosyimaada Degmada Afgooye Ee Gbolka Sh.Hoose.
Haweenayda dilka geysatay ayaa la sheegayaa in ay muddo isku dhacsanaayeen iyada iyo Saygeeda oo uu u dhexeeyay Furiin muran uu ka taagnaa iyadoo haweenaydaasi ay ninka ay dishay ay ka dalbatay in uu furo balse uu ka dhaga adeegay.
Haweenayda ayaa shalay galinkii danbe waxa ay tooray ku dishay saygeeda iyadoo dhowr meelood kaga dhifatay middi ay haysatay taasi oo sabab ka dhigtay in uu u geeriyooday ninkaasi.
Waxgaradka Deegaanka Gurdaan iyo dhalinyarada ayaa ku guulaystay durbadiiba in ay gacanta ku dhigaan gabadha dilka u geysatay saygeeda iyadoo ay xiriira la sameeyeen Ciidamada Xarakada Alshabaab oo aan ka dheereen xiligaasi tuulada dilka uu ka dhacay oo u dhexeysa Wala-weyn iyo Afgooye.
Ciidamamada Alshabaab ayaa haatan gacanta ku haya haweenayda dilka bareerka ah geysatay iyo mididii ay ku dishay saygeeda oo muddo ay ka dalbanaysay in uu furo balse uu isagu ka diiday sida dadka deegaanka ay sheegeen.
Waa falkii ugu horeeyay ee ka dhaca tuuladaasi Gurdaan iyadoo ay Xarakada Alshabaab haatan looga fadhiyo go’anka haweenaydaasi laga gaaro oo durbaba reerka uu ka soo jeedo ninka qabay gabadha ay dalbanayaan in loo qisaaso sida uu cadeeyay wiil ay wada dhasheen nin la dilay.
Xafiiska Wararka Soomaaliyeed www.Bartamaha.Com
Muqdisho-Somalia.
