Ciidamada Daraawiishta oo maanta lagu wado in ay la wareegaan gacan ku haynta isgoyska Ex.Control Afgooye.

Bartamaha(Muqdisho):-Ciidamada Daraawiishta Dowlada Fd Soomaaliya ayaa maanta la filayaa in ay la wareegaan gacan ku haynta isgoyska Ex-kontolool Afgooye halkaasi oo ay daganyihiin Ciidamo kale .

Daraawiishta Dowlada Soomaaliya ayaa maanta lagu wadaa in ay la wareegaan Isgoyska Ex.Control halkaasi oo ay lacago aan sharci ahayn uga qaadaan gaadiidka ciidamo dowlada ka amarqaata.

Afrax Cali Afrax oo ah sargaal ka mida hogaanka Ciidamada Daraawiishta Dowlada ayaa sheegay in ay saraakiisha Ciidamadaasi hogaanka u ah ay isla meel dhigeen in maanta si rasmi ah loogu wareejiyo isgoyskaasi Ciidamada Daraawshta.

 

Ciidamada Fadhiga ku leh isgoyska Ex.control ayaa dhawaanahan waxa ay wadeen abaabulo ay isaga difaacayaan weeraro kaga yimaada Ciidamada Daraawiishta iyo Xoogaga Islaamiga ah intaba.

 

Warar hooste oo aynu ka helnay Wadada Ex.Control Afgooye ayaa sheegaya in Ciidamada Dowlada ee halkaasi dagan ay bilaabeen in dhufaysyo ka qotaan wadada iyagoo isku diyaarinaya difaacida Isbaarada ay lacagaha gaadiidka uga qaataan.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.