Bartamaha(Muqdisho):-Ciidamada Amisom ayaa maanta Muqdisho ku waayay laba gaari nuuca dagalka oo ay lahaayeen ka dib weeraro Miino iyo mid toos ah oo maanta looga gubay.
Saaka abaara 9:30-mirir ah ayaa miina ay la kacday gaari ay wateen Ciidamada Burundi kaasi oo marayay wadada Warshadaha gaar ahaan afaafka hore ee Kuliyada Jaale siyaad iyadoo uu gabi ahaanba gubtay gaarigaasi.
Ka dib muddo Saacada ah ayaa galabta waxaa mar kale weerar toos ah lagu qaaday Ciidamada Amisom ka dib markii ay isku dayeen in ay wadada ka qaadaan haraadiga gaariga saaka ka gubtay halkaasi oo madaafiic iyo dagalk uu ka dhacay.
Dadka dagan hareeraha wadada Warshadaha gaar ahaan Dayniile ayaa waxa ay xaqiijiyeen in uu guud ahan gubtay gaari nuuca Tawga loo yaqaan kaasi oo qori uu saarnaa ka dib markii walxaha garabka laga gano lala beegsaday intii uu dagaalka socday.
Wadada ayaa waxa ay tahay mid guud ahaan xerantay halkaasi oo ay mari jireen gawaarida shacabka ee ka timaada dhanka Degmada Afgooye iyadoo guud ahaan wadada ay Ciidadada Burundi ay isku fidiyeen.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
