Bartamaha (Jowhar)Â Ciidamada Alshabaab ayaa xalay gurmad qasaara sababay u sameeyay gaari dad shacab ah ay saarnaayeen kaasi oo lagu baaranayay duleedka Degmada Jowhar.
Wararka aynu ka heleyno degmada Jowhar ayaa waxa ay sheegayaa in xalay Ciidamada Alshabaab ay gurmad u sameeyeen gaari kooxo hubaysan ay ku dhacayeen deegaanka Kilinka Shiinaha .
Rasaas culus ayaa ka dul bilaabatay shacabkii lagu baaranayay goob wadada hareerteeda ahayd ayaa sababtay dhimashada 2-ruux iyo dhaawaca 4-kale kuwaasi oo badanaa ah rakaabkii gaariga la baaranayay.
Falkan ayaa la sheegay in ay sabab u ahayd ka dib markii Burcada hubaysan iyo Ciidamada Alshabaab isku dul rasaaseyeen goob ay kooxaha burcadda ah dhac ugu geysanayeen dadka waxyeelada ay soo gaartay.
Dhaawacyada ayaa la sheegay in loola soo cararay gudaha Magaalada Jowhar halkaasi oo xiligan lagu dabiibayo balse dhacdadan ayaa la yaab ku abuurtay dadka deegaanka .
Xafiiska Bartamaha Warar Soomaaliyeed www.Bartamaha.Com
Muqdisho-Somalia.
