Bartamaha(Muqdisho):-Xildhibaano ka tirsan Baarlamanka Dowlada Soomaaliya ayaa wax laga xumaado ku tilmaamay dhaawac shalay loo geystay Xildhibaan Baarlamanka ka mida .
Mudanayaal ka tirsan Baarlamanka ayaa waxa ay dhaleeceen culus u jeediyeen gudoomiyaha Baarlamanka markii uu shalay ka hadlay dhaawac loo geystay xildhibaan Baarlamanka ka mida.
Xildhibaan Saalax Maxamed Nuur Badbaado ayaa dhaleeceeyay Gudoomiyaha Baarlamanka isagoo sheegay in anu masuuliyad iska saarin ammaanka Mudanayaasha islamarkaana uu si qaldan uga hadlay dhaawaca gaaray Xildhibaanka.
Dhinaca kale waxaa laga dayrinayaa Xaalada Caafimaad Xildhibaan C/risaaq Maxamed Yuusuf oo shalay uu rasaas ku dhiftay askari Booliiska Dowlada ka tirsan muran soo kala dhexgalay ka dib.
Xildhibaanka ayaa waxa uu yaala Isbitaal ku yaala Xalane oo ay mamulaan Ciidamada AMisom iyadoo xaaladiisa guud laga dayrinayo sida ay sheegeen qaar ka tirsan Mudanayaasha Baarlamanka.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
