Bartamaha (Afgooye)Â Askari ka tirsan Ciidamada Maleeshiyada Xizbul Islaam Afgooye ayaa dil bareer ah u geystay Dr.Bidaarey isagoo dhaawacay 3-ruux oo rayid ah Sigaar damin awgeed.
Askariga dilka gaystay ayaa la sheegay in uu taagnaa goob ku dhow Bosteejada Degmada isagoo amar ku siiyay Dr.Bidaarey in uu damiyo Sigaar uu haystay wallow uu ka dhaga adeegay.
Rasaas ayuu Askarigii ku tiriyay Dhaqtarkii taasi oo keentay dhaawaca 3-qof oo rayid ahaa oo goobta ka agdhawaa taasi oo la yaab ku abuurtay dadka deegaanka.
Dilkan oo ahaa midkii ugu yaabka badnaa oo ay ku dhaqaaqaan Maleeshiyaadka Xizbul Islaam ayaa waxa uu noqonayaa mid Xad gudub ku ah shareecada Islaamka .
Maamulka Degmada uga wakiilka ah Xizbul Islaam oo Saxaafada la hadlaya ayaa waxa ay balan qaadeen in ay shareecada marsiin doonaan askarigaasi oo aan la ogayn waxa u ku danbayn doono.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia
