Ammaanka Boosaaso oo la adkeeyay iyo Howlgalo dad lagu soo qabtay oo Maanta halkaasi laga sameeyay.

Bartamaha(Boosaaso):-Ciidamada Ammaanka Magaalada Boosaaso ayaa maanta ku dhaqaaqay howlgalo dad lagu soo xerxeray si ammaanka Magaalada wax looga qabto.

Howlgalada oo illaa galabta soo gaaray ayaa waxaa lagu qabqabtay dad lala xiriiriyay falal ammaanka wax loogu dhimayay oo cishooyinkii danbe ka dhacay gudaha Boosaaso.

Ammaanka Magaalada ayaa waxa uu ahaa habeenadii ugu danbeeyay mid qalqal la galiyay ka dib qaraxyo lala eegtay baraha Ciidamada ay ka joogaan Xaafadaha Boosaaso.

Ciidamada Booliiska iyo kuwa Nabad sugida ayaa waxa ay bara ka samaysteen gudaha Magaalada si ammaanka wax looga badalo iyagoo si gaar ah ula socda dhaqdhaqaaqyada kooxaha laga shakisanyahay.

Ma jirin wax war ah oo maanta ay soo saareen Saraakiisha Dowlada Goboleedka Puntland ee Magaalada Boosaaso howlgaladii ka dhacay Xaafadaha Magaaladaasi Boosaaso.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.