Bartamaha(Mataban):-Dagaalka saaka ka dhacay Matabaan ayaa waxa uu yimid ka dib markii weerar gaadma ah ay deegaankaasi ku qaadeenm Ciidamada Alshabaab oo si dhuumaalaysi ah ku gaaray halkaasi.
Dagaal xoogiisa oo muddo ka socanayay Deegaanka ayaa waxa uu ahaa mid bilowday aroornimadii hore ee saaka markii Alshabaab maleeshgiyaadkoda ay deegaanka soo galeen.
Wararka laga helaayo Matabaan ayaa sheegaya in maleeshiyada shabaab ay xoog kula wareegeen deegaanka wallow dadka deegaanka ay sheegeen in rasaas ay ka dhacayso xaafadaha magaaladaasi.
Dhawaanahan waxaa laga baqanayay weerar lagu soo qaado Matabaan iyo deegaano kale oo ka mida Gobolkaasi Galgaduud oo ay gacanta ku hayaan Kooxda Ahlu sunnah.
Ma jiro wax war ah oo ka soo baxay dhanka Ahlu sunnah oo dagaalkaasi ku aadan balse Saraakiil u hadashay Alshabaab ayaa waxa ay sheegeen in dagaalka ay iyaga galeen.
Xafiiska Wararka Soomaaliyeed www.Bartamaha.Com
Muqdisho-Somalia
