Bartamaha(Gaal-kacyo):-Kooxo hubaysan ayaa la sheegay in xalay ay u dheceen guri ku yaalay Xaafad ka mida Woqooyiga Magaalada Gaal-Kacyo halkaasi oo ay dad kala bexeen.
Kooxo aan la garan ayaa la xaqiijiyay in ay dhaawac u geysteen wiil dhalinyara ah nin wadaad ahn ay kala bexeen guri ku yaala Xaafada Israac Woqooyiga Magaalada Gaal-Kacyo.
Dablayda oo la tilmaamay in ay qaab qorsheysan u fuliyeen falka afduubka ah ayaa la sheegay in ay guriga dusha sare uga soo dheceen ka dibna ay si fudud ula bexeen nin wadaad ah wiil dhalinyara ahna ay u dhaawaceen.
Xalay oo idil ayaa la sheegay in woqooyiga Magaalada rasaas laga maqlayay taasi oo dad badani ay is weydiinayeen balse warar hoose oo soo gaaray Xafiiska warqabadka www.Bartamaha.Com ayaa sheegaya in Ciidamada PIS-ta Puntland ay howlgalka afduubka ku dhaqaaqeen.
Ammaanka Woqooyiga Magaalada Gaal-Kacyo ayaa 24-Kii saac ee la soo dhaafay waxa uu ahaa mid aad u wanaagsan ka dib markii howlo ammaanka wax looga qabanayo ay ku dhaqaaqeen Ciidamada Maamulka.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
