Bartamaha(Muqdisho):-Goobihii shalay iyo xalay duqeymaha loo geystay ayaa saaka daganaan loogu waa bariistay iyadoo dhaawacyada qaar ee xalay madafiicda waxyeeleeyeen loola cararay saaka isbitaalada Muqdisho.
Waxaa gabi ahaanba dagan xaalada deegaanadada xalay duqeymaha ay ku dheceen Ee Muqdisho iyadoo saaka ay dib u bilowdeen dhaqdhaqaaqii dadka iyo gaadiidka Muqdisho goobaha ka baxsan furinta hore ee dagaalka balse xalay madaafiic lagu garaacay.
Dadka deegaanada Kaaraan iyo C/casiis ayaa saaka halkaasi kala soo baxay dadkii dhaawacyada ay ku gareen guryahooda ka dib duqeynta loo geystay iyadoo saaka la geeyay isbitaalada Muqdisho dadkaasi xalay dhaawacmay.
Jawiga deegaanadaasi ayaa u muuqda mid xasiloon xilli ay dhaqdhaqaaq ciidan laga dareemayo Degmooyinka Shibis iyo C/Casiis oo ah goobaha haatan sida tooska ah la isku hor’fadhiyo.
Xafiiska Wararka Soomaaliyeed www.Bartamaha.Com
Muqdisho-Somalia.
