Madadaaliyaha caanka ah Dave Chappelle ayaa habeenkii talaadada ahayd xilli saq dhexe ah  si qarsoodi ah ku sameeyay Show, Bartuna waxay ahayd faras-magaalaha Portland. Dave wuxuu filayay inay kasoo qayb gali doonaan dad gaaraya 200 laakiin waxaa meeshaas isugu yimid dad lagu qiyaasayey kumanaan kuwaasoo garbaha isku hayay.
Shoowgaan oo ahaa mid lacag la’aan ah ayaa dadkii isugu yimid Portland square ee magaaladaas Portland ee gobolkaas Oregon waxay u qaadan waayeen inay hortaagan yihiin madadaaliyaha caanka ah oo aan inta badan banaanada lagu arag, dadkii halkaas isugu yimid badankood waxay ka war heleen muddo gaaban iyagoo u yeerayay asxaabtooda kana wacayey taleefanada gacanta iyo twitter.
Inkastoo qalabka lagu hadlo (Sound System)-ka uu ka halaysnaa Dave, laakiin dadka wajigooda waxaa ka muuqday farxad aan la qiyaasi karin.
Waxaan idiin haynaa Video laga duubay meeshaas, waxaana moodaa in Dave Chappelle uu mar dhahayo Assalamu Alaikum isagoo la hadlaya dadweynihii meesha isugu yimid maadaama sawaxanku uu badnaa.
| Dave Chappelle at Pioneer Square |
