Bartamaha (Amestardam):- Somali Sports Press Association (SSPAMEDIA) ayaa magaalada Amsterdam dalka Holland ku gudoonsiisay abaalmarino kale duwan xafladii xiritaanka koobka Amsterdam Futsal Tournament 2010 ee lagu qabtey Sporthallen Amsterdam Zuid , islamarkaana loogu aqoonsadeyshaqsiyaadkii ugu wanaagsanaa isboortiga Qurbajoogta Soomaaliyeed ee sanadka 2010, kadib markii dib loo eegay shaqsiyadkaan howlihii wanaagsanaa ay u qabteen dhalinyarada iyo caruurta Soomaaliyeed.
Shaqiyaadka sanadkaan ku guulaystey abaalmarinta SSPAMEDIA awards waxay kale ahaayeen sidatan:
1.Marwo Fadumo Axmed Faarax agaasimaha hay’adda HIRDA ayaa loo aqoonsadey Gabadha isboortiga sanadka 2010 ‘’Sports Women of the year 2010’’, waxaana abaalmarinta inay gudoonsiiso lagu sharfey marwo Xaliimo xaaskii marxuum Salebaan Colaad Rooble (AUN) wasiirkii hore ee Isoortiga iyo Dhalinyarada dalka Soomaaliya.
2.Kooxda WPSC ee Manchester ayaa loo aqoonsadey naadiga sanadka 2010, ‘’ Club of the year 2010 ’’,waxaana abaalmarinta gudoonsiiyay macalinka kooxda Liecester Lions mudane Cilmi Daqare.
3.Mudane Cabdinaasir Ismaaciil ‘’Sola’’ soo saaraha barnaamijka faaqidaada cayaaraha ee Universal TV ayaa loo aqoonsadey ‘’Sport TV presenter of the Year 2010’’, waxaana abaalmarinta gudoonsiiyay mudane Yusuf Yusuf.
DAAWO SAWIRADA:-
W/D: Yusuf Yusuf
SSPAMEDIA
AMSTERDAM
