Bartamaha (Qardho) Kooxo Bistoolado ku hubaysan ayaa Xalay toogasho u geystay Sargaal caan ka ahaa Magaalada Qardho Ee Maamulka Dowlada Goboleedka Puntland.
Kooxaha hubaysan ayaa waxa ay dil toogasho u geysteen Haykal Cali hiiraat oo ka tirsanaa Sarakiisha Ciidamada Birmadka Booliiska Puntland xilli uu ku sugnaa Suuqa Qaadka Magaalada Qardho.
Kooxaha dilka gaystay ayaa waxa ay sidoo kale rasaas ku fureen ilaalada Taliyaha kuwaasi oo ku sugnaayeen hareeraha suuqa taasi oo keentay in goobta ay ka baxsadaan kooxda dilka gaystay.
Ragga dilka u geystay Sargaalka Booliiska ayaa waxa ay wateen Cimaamado wejiyada ay ku soo xerteen taasi oo keentay in ay goobta ka baxsadaan iyadoo aan la aqoonsan .
Dhawaanahan ayaa waxaa sii badanayay qaraxyada iyo dilalka ka dhacaya Magaalooyinka Maamulka Dowlada Goboleedka Puntland taasi oo ammaanka qalqal galisay.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
