Bartamaha(Muqdisho):-Dagaal qaraar oo galabta ka Qarxay Xaafado ka mida Degmooyinka Yaaqshiid Iyo Kaaraan ayaa la shaaciyay in kooxaha Mucaaradka ay guula ka gaareen kuwaasi oo gacantooda ku soo celiyay saldhigii Yaaqshiid oo Saaka Farahooda ka baxay.
Dagaalka galabta dhacay ayaa xoogiisa waxa uu ka dhacayay hareeraha Saldhiga Yaaqshiid iyo xaafadaha Fagax ilaa deegaanka Jamhuuriya Demada Kaaraan Ee Muqdisho halkaasi oo ay saaka weerar qorshaysan ku soo qaadeen ciidamada dowlada Fd soomaaliya kuwaasi oo guula ka gaaray dagaalkii saaka.
Caawa Maqribkii ayaa kooxda Xizbul Islaam iyo Xarakada Alshabaab oo iska barbar dagaalamaya waxaa u suurta gashay in ay la wareegaan dhammaan fariisinada ciidamada dowlada ay saaka ka samaysteen deegaanada degmada Yaaqshiid.
Inta la ogyahay dagaalkii galabta oo kaliya dhacay ayaa waxaa ku nafwaayay 6-ruux oo askarta dowlada u badan iyadoo dhaawacyada isbitaalka Keydsaney la dhigayna ay gaarayaan 11-ruux oo ay daadgureeyeen dhaawacyadooda Ambalasyada Muqdisho ka shaqeeya.
Xaalada deegaanadaasi ayaa Caawa ah mid xasiloon iyadoo ay ku suganyihiin goobaha dagaalka Kooxaha Alshabaab iyo Xizbul Islaam oo la wareegay saldhigga yaaqshiid ilaa Isgoyska Fagax iyadoo halkaasi laga maqlayo xiliyada qaar rasaas teel teel ah.
Xafiiska Wararka Soomaaliyeed www.Bartamaha.Com.
Muqdisho-Somalia.
