Inta la,ogyahay 13 qof ayaa ku dhimatay 15 kalena waa ay ku dhaawacmeen dagaalo ku salaysan aanu qabiil shalay gilinkii dambe ka bilowday tuulada Cumar Doon Oo hoos timaado Degmada Mustaxil ee dhulka Soomaalida ee Ethiopia ay xooga ku haysato.
Â
Iska hor imaadkan dadka ku dhintay iyo kuwa dhaawacmay ayaa waxaa lasheegay in ay yihiin kooxaha uu dagaalku u dhexeeyo iydoona laga cabsi qabo in qasaaraha dagaalkaasi ka dhashay u sii kordho karo sababtoo ah dagaalka ayaa waxaa lagu soo waramayaa in uu ilaa hada uu socdo islamarkaasina uu siixoogaysanaayo.
Â
Qaar kamid ah wadayaasha gaadiidka ka shaqeeyo Ismaamulka Somalida Ithopiya ayaa waxaa ay sheegayaan in Odayaal iyo wax garadka labada dhinac ay wadaan dadaal Oo ay ku doonayaan sidii ay u hakin lahaayeen dagaalka bacdamaa dadka haatan uu dagaalka ka dhex bilowday ay yihiin kuwa in kabadan halqarni isla daganaa.
Â
Dagaalkan ka socdo Tuulada Cumar Doon ayaa waxaa uu salka ku hayaa aano qabiil Oo u dhexeyso Beelaha reer Ciise iyo Jajeelle taasi Oo sii kacday markii beel kamid ah kuwa haatan dagaalamaayo beel kamid ah ay ka dishay qof kamid ah sidaasina uu dagaalkan ku bilowday waxaana uu saamayn ku yeeshay dadka deegaankaas kuwaasi Oo ka firxaday goobta dagaalka iyagoo ka cabsi qaba in lagu dul dagaalamo.
Ibrahim Muxumad
Bartamaha wararka Soomaaliyeed
www.BARTAMAHA.COM
