Wareegto kasoo baxday xafiiska madaxweynaha Soomaaliya ayaa loogu magacaabay guddoomiyaha cusub ee gobolka Galguduud, Xuseen Cali Wehliye (Cirfo) iyadoo la sheegay in lagu magacaabay soo jeedinta wasiirka arrimaha gudaha Soomaaliya.
Guddoomiyaha cusub ee gobolka Galguduud oo ay xaruntiisu tahay magaalada Dhuusamarreeb ayaa la sheegay in wixii maanta ka dambeeya uu la wareegayo xilka guddoomiyenimo ee gobolkaas oo ay ka arrimiyaan maamulllo dhowr ah oo iska soo horjeeda.
Magacaabiddan ayaa dhacday 27-kii bishii July ee lasoo dhaafay; laakiin uu maanta saxiixay madaxweynaha Soomaaliya, Xasan Sheekh Maxamuud isla maantana la faafiyay.
Gobolka Galguduud oo kamid ah gobollada bartamaha Soomaaliya ayaa hadana kamid ah gobollada ay inta badan ka dhacaan qulqulatooyinka dhanka ammaanka ah.
